სხვა ქვეყნები
RENXO თავის ვებსაიტზე სხვადასხვა მომსახურებას გთავაზობთ. მომხმარებლებთან ურთიერთობაში RENXO-სთვის უმნიშვნელოვანესია მათ მიერ მიწოდებული ინფორმაციის ხელშეუხებლობა და კონფიდენციალურობა. ამ მხრივ, თქვენი დასტური და თანხმობა Renxo-ს საშუალებას აძლევს, დაამუშაოს თქვენი მონაცემები და ინფორმაცია, რომელიც, შესაძლოა, შეგროვდეს მომსახურებით სარგებლობის პერიოდში, კონფიდენციალურობის წინამდებარე დებულებაში მითითებული მიზნების შესაბამისად.
RENXO ყველა შესაძლო ღონეს მიმართავს, რომ დაიცვას პერსონალური მონაცემების კონფიდენციალურობა, შეინახოს ასეთი მონაცემები და არ დაუშვას მათი დაკარგვა, შეცვლა ან მათზე უნებართვო წვდომა.
RENXO მაქსიმალურ ძალისხმევას გამოიჩენს უსაფრთხოების ყველა საჭირო ზომის მისაღებად იმისთვის, რომ არ დაუშვას უნებართვო წვდომა ინფორმაციაზე, რომელიც გადაიცემა ან ინახება თავად მომსახურების მეშვეობით. აქვე უნდა აღინიშნოს, რომ ამ მიზნებისთვის სრულად გარანტირებული ვერ იქნება, რომ არ მოხდება უნებართვო წვდომა ინფორმაციაზე, რომელიც ქსელის მეშვეობით გადაიცემა. აქედან გამომდინარე, RENXO-ს არ უნდა დაეკისროს პასუხისმგებლობა ქსელის ან თავად მომსახურების მეშვეობით გადაცემულ ინფორმაციაზე უნებართვო წვდომის შესაძლო შედეგებზე.
ანალოგიურად, RENXO-ს მიზანია, შეძლებისდაგვარად მეტი ინფორმაცია მოგაწოდოთ ნებისმიერ იმ შეკითხვასთან დაკავშირებით, რომელიც მომხმარებელს შეიძლება ჰქონდეს მის მიერ სერვისებისა და ვებგვერდების (შემდგომში „სერვისები“) გამოყენებისას პერსონალური მონაცემების შეგროვებასა და დამუშავებასთან დაკავშირებით. კონფიდენციალურობის წინამდებარე დებულებაში მოცემულია ინფორმაცია იმის შესახებ, თუ როგორ განკარგავს RENXO თქვენს პერსონალურ ინფორმაციას, როცა ჩვენს სერვისებზე წვდომას იღებთ ან/და მათ იყენებთ.
ჩვენი ვებსაიტის დათვალიერებითა თუ ჩვენი სერვისების გამოყენებითა და მათით სარგებლობით ეთანხმებით, რომ თქვენი პერსონალური ინფორმაცია განიკარგოს იმ პირობების შესაბამისად, რომლებიც განსაზღვრულია კონფიდენციალურობის წინამდებარე დებულებაში.
RENXO იტოვებს უფლებას, შეასწოროს როგორც თავისი კონფიდენციალურობის დებულება, ისე კონფიდენციალურობისა და მონაცემთა დაცვის ქვემოთ ჩამოთვლილი სტანდარტები იმისთვის, რომ მოარგოს ახალ რეგულაციებს, სასამართლო პრაქტიკასა თუ სხვა კრიტერიუმებს, რომლებიც უკეთესი სერვისებისა და კონტენტის უზრუნველყოფის საშუალებად მიიჩნევა. ამგვარად, კონფიდენციალურობის დებულება პერიოდულად ახლდება, ამიტომ მოგიწოდებთ, გადახედოთ ხოლმე კონფიდენციალურობის ამ დებულებას იმისთვის, რომ მის უახლეს ვერსიას გაეცნოთ.
სერვისებზე წვდომისთვის საჭიროა, მოგვაწოდოთ გარკვეული მონაცემები. ამ მონაცემებში შედის (თუმცა ამით არ შემოიფარგლება): სახელი, გვარი, მისამართი, ტელეფონის ნომერი, ელფოსტის მისამართი, სქესი, ასაკი, განათლების დონე და ა.შ. ანალოგიურად, თქვენთვის სერვისების მოწოდებისას RENXO-მ შეიძლება მოითხოვოს დამატებითი ინფორმაცია, რომელიც, ასევე, შესაძლოა, RENXO-ს დაეხმაროს როგორც შეთავაზებული სერვისების ინდივიდუალიზაციაში, ისე მათ მოწოდებაში მომხმარებლის საჭიროებებისა და პრიორიტეტების შესაბამისად. მომხმარებელს ნებისმიერ დროს შეუძლია აღნიშნული ინფორმაციის შეცვლა ან განახლება.
ყველა შემთხვევაში მთელი პერსონალური ინფორმაცია, რომელსაც RENXO აგროვებს, შემდეგ მისივე სისტემებში ინახება იმისთვის, რომ განიკარგოს, როგორც ეს აღწერილია კონფიდენციალურობის წინამდებარე დებულებაში. პერსონალური მონაცემების შეგროვებისას RENXO ყოველთვის შეეცდება, კონფიდენციალურობის ამ დებულებას ბმულიც დაურთოს.
ზოგიერთ შემთხვევაში, პერსონალური მონაცემების დაცვასთან დაკავშირებით მოქმედი კანონების შესაბამისად, RENXO მიიღებს ინფორმაციას თავისი მომხმარებლების შესახებ სხვა წყაროებიდან, როგორიცაა საჯარო დოკუმენტები, ოფიციალური ორგანოები ან კერძო ორგანიზაციები.
RENXO-ს მიერ მოწოდებული ზოგიერთი სერვისი შეიძლება გულისხმობდეს გარკვეულ პირობებს პერსონალური მონაცემების დაცვასთან დაკავშირებულ კონკრეტულ შემთხვევებში. ამ სერვისების მეშვეობით მომხმარებელს სხვა მომხმარებლებთან კონტაქტის საშუალება აქვს. ასეთ შემთხვევებში ეს მომხმარებლები გარკვეული ტიპის პერსონალურ მონაცემებზე წვდომას მიიღებენ.
ანალოგიურად, მომხმარებელმა უნდა იცოდეს, რომ ზოგიერთ შემთხვევაში სერვისები შეიძლება შეიცავდეს რეკლამის განმთავსებელი, კონტენტის მომწოდებელი და, ზოგადად, იმ მესამე მხარეების ბმულებს, რომლებიც, თავის მხრივ, შესაძლოა, აგროვებდნენ ან ითხოვდნენ პერსონალურ ინფორმაციას თავიანთი მომხმარებლებისგან. RENXO-ს გარდა სხვა მესამე მხარეების (იურიდიული თუ ფიზიკური პირების) მიერ მომხმარებლების პერსონალური ინფორმაციის გამოყენება დაექვემდებარება კონფიდენციალურობის მათივე დებულებებს. კონფიდენციალურობის წინამდებარე დებულება არ განსაზღვრავს მითითებებს მესამე მხარეების მიერ მომხმარებლების პერსონალური ინფორმაციის განკარგვისა და დაცვის შესახებ, ამიტომ, RENXO არცერთ შემთხვევაში არ აკონტროლებს ხსენებული მესამე მხარეების მიერ მონაცემების ნებისმიერ გამოყენებას და არც ვალდებულებას იღებს აღნიშნულთან დაკავშირებით.
RENXO შეაგროვებს და დაამუშავებს მომხმარებლების პერსონალურ მონაცემებს შემდეგი მიზნებისთვის: (i) სერვისების შემოთავაზებისთვის, მართვისა და უზრუნველყოფისთვის (ii) ამჟამად ან მომავალში RENXO-ს, მასთან აფილირებული სუბიექტების, გარკვეული ბიზნესპარტნიორებისა თუ ქვეკონტრაქტორი მესამე მხარეების მიერ მოწოდებული პროდუქტებისა და სერვისების განვითარებისთვის, პოპულარიზაციისა და მარკეტინგისთვის.
თუ RENXO მოისურვებს, რომ თავისი კონფიდენციალური მონაცემები კონფიდენციალურობის წინამდებარე დებულებაში აღწერილისგან განსხვავებული მიზნით გამოიყენოს, RENXO მოითხოვს მომხმარებლების თანხმობას აღნიშნული მიზნისთვის.
მომხმარებლებთან დაკავშირებული გარკვეული ინფორმაცია ავტომატურად გროვდება და მუშავდება RENXO-ს მიერ სხვა მეთოდებით, როგორიცაა, მაგალითად, სპეციალურად ასეთი დანიშნულებით შემუშავებული პროგრამული უზრუნველყოფა ან თავის საიტზე მოცემულ ბმულებზე მოწოდებული ინფორმაცია. ამ ინფორმაციას RENXO იყენებს იმისთვის, რომ შეძლოს: (i) სერვისების ტექნიკური და კომერციული მართვა და (ii) თავისი პროდუქტებისა და სერვისების გამოკვლევა, განვითარება და პოპულარიზაცია.
RENXO-სთვის დიდი მნიშვნელობა აქვს თავისი მომხმარებლების ელფოსტის მისამართებისა და ტელეფონის ნომრების ხელშეუხებლობასა და კონფიდენციალურობას. RENXO არასდროს ჩაერთვება სპამის გავრცელებაში და არც არასანქცირებულ ელწერილებს დაუგზავნის მომხმარებელს მის ელფოსტის მისამართზე ან პირად ტელეფონში. ანალოგიურად, აღნიშნული ინფორმაცია არ მიწოდება მესამე მხარეს მომხმარებლის თანხმობის გარეშე.
სერვისების მოწოდების განმავლობაში RENXO-მ შეიძლება შეაგროვოს ინფორმაცია სტატისტიკური მიზნებისთვის, გამოკვლევისთვის ან ახალი ბაზრების განვითარებისთვის. ეს ინფორმაცია შეგროვდება და დამუშავდება იმგვარად, რომ შეუძლებელი იყოს მომხმარებლების იდენტიფიცირება.
ზოგიერთ შემთხვევაში RENXO თავის მომხმარებლებთან დაკავშირებულ პერსონალურ მონაცემებს გაუზიარებს მასთან აფილირებულ სუბიექტებს, ამა თუ იმ ბიზნესპარტნიორს ან ქვეკონტრაქტორ მესამე მხარეებს მხოლოდ იმ მიზნით, რომ შეასრულოს მომხმარებელთან დამყარებული ურთიერთობის პირობები და იმ მიზნების შესაბამისად, რომლებიც წარმოიშობა კონფიდენციალურობის წინამდებარე დებულებიდან და გამოყენების ზოგადი პირობებიდან.
წინა აბზაცში აღწერილი მესამე მხარეები ყოველთვის RENXO-სგან მიღებული მითითებების შესაბამისად და აქ განმარტებული მიზნებისთვის იმოქმედებენ.
RENXO მხოლოდ მაშინ გაამჟღავნებს ან გააზიარებს მომხმარებლის პერსონალურ ინფორმაციას, როცა (i) მას გაცემული აქვს მკაფიო თანხმობა, (ii) ამგვარი განკარგვა დაკავშირებულია იმ სამართლებრივ ურთიერთობაზე თავისუფალ და ლეგიტიმურ თანხმობასთან, რომლისთვისაც აუცილებელია აღნიშნული ინფორმაციის მესამე მხარეებისთვის მიწოდება, (iii) აღნიშნული გაზიარება ან გამჟღავნება ნებადართულია შესაბამისი კანონის თანახმად, ან (iv) ინფორმაციას ითხოვს შესაბამისი უფლებამოსილების მქონე სამართლებრივი თუ ადმინისტრაციული უწყებები თავიანთი მოვალეობების შესრულების პროცესში.
RENXO ყველა ღონეს მიმართავს, რომ არ დაუშვას უნებართვო წვდომა თავისი მომხმარებლების პერსონალური ხასიათის მონაცემებზე. მომხმარებლების პერსონალური მონაცემების კონფიდენციალურობისა და ხელშეუხებლობის დაცვა კომპანიის ერთ-ერთი მთავარი მიზანია თავისი სერვისების უზრუნველყოფის პროცესში.
RENXO ყველა ღონეს მიმართავს, რომ უზრუნველყოს თავისი მომხმარებლების პერსონალური მონაცემების დაცულობა, იმ მიზნით, რომ შეეცადოს, არ დაუშვას არასასურველი ან უნებართვო წვდომა თავისი მომხმარებლების მონაცემებზე, ასევე, მათი უკანონო გამოყენება ან გამჟღავნება ან უკანონო განადგურება.
RENXO-ს და RENXO-სთვის სერვისების მიმწოდებელი კომპანიების ყველა თანამშრომელი ვალდებულებას იღებს, დაიცვას მისთვის ხელმისაწვდომი მთელი პერსონალური ინფორმაციის კონფიდენციალურობა.
ამას გარდა, RENXO თავის მომხმარებლებს ურჩევს, რომ პაროლები და ეკრანზე საჩვენებელი სახელები, რომლებსაც სერვისზე წვდომისთვის იყენებენ, მკაცრად კონფიდენციალურად შეინახონ.
მომხმარებელმა უნდა იცოდეს, რომ ინტერნეტის ან WAP-ქსელების მეშვეობით მონაცემთა არცერთი გადაცემა არ არის სრულად გარანტირებული ან დაცული, ამიტომ RENXO ვერ გასცემს მომხმარებლების მიერ მოწოდებული მონაცემების სრული დაცულობის გარანტიას.